(1880s-1920s) Un aldeanu de Mieres

link

Paézme que oyi dicir dacuando que la Costitución
que mos gobierna, y que tantes disgracies y sangre
mos costó, tien un artículu que, pocu mas ó me-
nos, diz: <<Tudu.español puede publicar líbremente sos
idées con sojecion á les leyes; >> y como yo so español,
quiero publicar les miós, cuntando pa eso con que
vusté m'ayudará con sos lletres de molde, ya que
tan voluntariosu 'stá pa tóo lo que favoreza la 'ndus-
tria.
Yo, so un probe mineru que non afayo modu de
mantener seis rapacinos como seis garapiñes, si non ye
trabayando 'n una carbonera que non I' hay meyor
ena reonda, pero ansina y tóo avienta cáa coz que
plasma.
Yo trabayo a 'stira pelleyu; pero poco me lluz, por-
q'en mió concencia pienso, hasta xurálo, si ye me-
nester, que nin entre los marruecos hay un camin más
podre qu' el de la Güeria de San Xuan, y eso que ye
por el que vamos y vinimos á Llangreo, y llámenlu
camin rial: pa dir á Sama per elli, ye menester colar
tres veces el rio, ¿y querrá vusté crér que non hay
puente nin cosa que lo valga y que á cuatro arrebla-
gos d' esta villa hebo antañu un puente (yo non lu
conocí) que non dexó de elli el rio mas q'un potru, y
dende entós non hay mas q' una triste viga pa pasarla
xente cargás, y con madreñes? Puede crér q' ansí ye
como y lo cunto, y vamos al casu. Con tanta Ilamuer-
ga, que se meten los carros fasta les trechóries,
cuesta un güeyu de la cara abaxar el carbon de les
mines á lo llano, pos mal apenes hay un cuartu de
legua desde la mio mina y non quieren baxallo menos
d' a ral el quintal,y con dos rales que cobren los ca-
rreter por llevallo dende lo llano á Uvieo ¿qué y
quea á un probe pa xornales (á 8 riales), maderes, fe-
rramientes, lluz y demas xigomencies? Y desapues,
rnanténgase vusté!¿Qué y paez?
Estoy oyéndolu dicir: ¿Qué Xuno m' emporta á min
nin á naide lo q' isti mazcayu platica? Pero non
s' apure y vamos allá. Ye fao de los señores el dicir
siempre que los aldeanos semos pesaos y nunca aca-
bamos de dicir lo que queremos; ¡miá que milagru! si
estubiéremos estudiaos, ya seria otra cosa.
Como diba diciendo, los carreteros paguen en el por-
talgu de Lluniego cinco riales y 22 mrs. por carráa;
y como esto ye una enxusticia á toes manes, por eso
quiero que se sépia pa que vusté llevante el gritu y pa
que tóos los mineros apellíen po la ley, pa ver si entre
unos y otros con sos glaíos llamen l' atencion de la
Reina y de los menistros y mandones; pos ella y ellos
y toa la xente diz q' el carbon lo fai tóo, que sin el car-
bon non podemos dar un pasu p?alantre y q' el carbon
ye pa la 'ndustria como la boroña pa la xente.
Por eso ena ley de mines el artículu 85 diz bien cla-
ro que «la'ndustria minera y metalúrxica non podrán
»ser recargaes con contribucion delguna nin con utru
«impuestu fuera de los allí espresaos. Tampoco se
esixirá derechu nin impuestu de delguna otra clas la
cerculacion y espedicion de los minerales en el inte-
rior del reinu, etc.» y mírelo bien que diz deil una otra clas
y como entre los drechos y los impostos que la misma ley
aseñala en los artículos 8U, 8l, t;2, 83 y 84 non fai: méritu de
los portalgus, claro ye que non debe pagallos; yo ansina to
creo; y como yo, lu deprendió tamien un rnió vecin que ya
dtxodaquó ena, so Gaceta, curiando que los que tantu ruiu
meten llamándose proteitores y abogaos de les mines de car-
bon, que saben cómo y cuándo nacieron y cuántos quintales
de carbon estan entiarráos en isti contornu, que llamen
cuenca unes veces y escudiolla otres, que mangónien con
tóos los deputaos, senadores y xente gorda, tantes y tantes de
les coses dicen y protneten que si fues un á crélles habíamos
asperar que nos punxeren una condutora en cáa mina; pero
nin osos nin los que rialmente son mineros, porque caten les
minesy dalgunos gasten la probeca que nenen primoro d' afayar
dalguna güena, naide gur-utió nin en Mieres nin en
Llangreo, y eso que á estos tamien yos plantaron isi
endérguele en Santa Olaya de hualloto.
¿Por qué será esox IPor qué en tudu casu non s' axunten
los mineros de entrambos conceyos y echen un memorial
bien enxaramiellau al gobiernu pa que si non ye de ley que
paguen portalgu los carbones, to declare ansina?
Mas d' una vez oyí á lletraos bien lleidos, aferráos en que
isi ye el espírtu de la ley. Yo estoy pa min q' en Llangreo
y en Mieres debin d' axuntase los tnineros pa mandar facer un
memorial que firmaren tóos y echallu al gobiernu: tóo to que
puée costar non val una corbata y a'scote náa ye caro, pos
yo, atique probe, non faltaré con mió porqué.
Los siñores de Uvieo que tantu carbon gaston en cocines y
chiminées, tamien pudíen alzapremiar con tanto ó cuanto,
con tanta vara altay tantu brazu como tienen arriba, pos
mialma que lien arrefunfañen.